Widermau früeh ufstah! Träffpunkt isch am viertu ab Füfi gsi. Erdmänndli stalke 😂 E knappi Stung isches gange, bis di erste vo dene putzige Vichli der Chopf zum Bou us gstreckt hei. Der Guide het di Zyt mit ganz viune interessante Informatione u lustige Anekdote über di sehr schüche Tier überbrückt. Der Sunneufgang i dere wite mönscheläre Landschaft isch eifach hammer. U so würklech heimer ersch uf de Föteli gseh wi unvorteilhaft d Zahnstellig vo dene chline Gschöpfli isch. Mit soviu Vorbiss isch der Belag ufem Chueche scho lang furt, wenn der Bode no der Ganz da isch 😂 

Am Namittag heimeris de no ufe Wäg zude Cango Caves gmacht. Es riisigs Hölesystem mit einzigartige Steiskulpture. Sehr idrücklech! 

Zrügg vohdäm Usflug het im Zimmer e grossi Geburtstagsüberraschig uf mi gwartet! Merci viu Mau Stämpflis! Dir sit di Beste!!