E wiere Reisetag dür die idrücklechi Landschaft vo Südafrika! Schier unandlechi wüesteähnlechi Witine, Bärge, Täler u de plötzlech wi usem Nüt Grossflächelandwirtschaft! Getreidefäuder, riisigi Rinderfarme, Schaf, Öpfuboumplantage, Aprikose und und und! U mir im Tank numeno eis Strichli… 

U de isches Richtig Süde gange. A südlechst Punkt vo Afrika, ads Kape Agulhas. U diräkt am Strand chame ds Outo parkiere u ufemene Bänkli picnice. Das wär ir Schwitz äue so ou nid müglech. 

Dame ja nid zwöimau der glich Wäg wott fahre, nimmtme haut e angere. Rund 25 km Naturstrass inklusive…  

Im wunderschöne Küstestedtli Hermanus machemer de zum zwoitletschte Mau Haut. Diräckt am Strand vis a vis vom Hotel gits am Heilgabe e feine Flammchueche.