D Antwort ufd Frag «was isch für Zyt?» isch hüt gsi: Zyt für hei! So schön wi di ganzi Reis ou isch gsi, heimer doch aui langsam aber sicher Längizyti nach dehei. Mir hei so viu erläbt u so viu schöni Sache dörfe gseh! D Fröhlechkeit ud Fründlechkeit vode Südafrikaner hetis sehr beidruckt! Di Läbensfroid u di Gab, mit no so weni e risigi Zfrideheit usdsstrahle! Aber uf der angere Site hetis ou di zum Teu ungloublech grossi Armuet töif betroffe gmacht. So viu Lüt wo i ermste Verhäutnis müesse läbe u tagtäglech buechstäblech umds Überläbe kämpfe.  

Südafrika, es wunderschöns Land vou Gägesätz! Kei Tag wi der anger u vo eir Minute uf di angeri cha aus angers si. Mir hei di Zyt enorm gnosse u nid nume di über 3000 Föteli wärdenis immer a üsi grossi Reis erinnere!