Nachere erhousame Nacht hei mir üses erste richtige Zmorgebüffe im Hotel dörfe gniesse. Es isch erstunlech, was d Südafrikaner aus so möge ässe! 

Leider isch ds Wätter hie wi ir Schwiz. Im Gägegsatz zude Schwizer hei si aber Fröid am Räge. 

Mir hei üs de aber glich ufd Socke gmacht u si die verschidene Sehenswürdigkeite rund um Graskop ga aluege. Näbst viune Chüe hets ou immer wider Lüt gha, wo schier im Niemansland z Fuess uf de Strasse ungerwägs si. 

E erste Psuech imene Ichoufszäntrum het üs de zeigt, dasme hie d Grundnahrigsmittu (Mäu, Milchprodukt, Teigware etc.) eher i grosse Verpackigsgrössine ichouft. 

Zrugg im Hotel heimer de es phantastischs Znacht gnosse u si de bezyte ga pfuse.