Hüt heimer e Ruhetag igleit. Nach dere asträngende Reis quer über Afrika de unvergässleche Idrück usem Nzhaka Camp und em abentürleche Gränzübertritt uf Eswatini heimers chli ruehiger la agah. U de heimer ou wieder mau chli Zyt brucht, für aui üsi wunderschöne Biuder uf der Cloud ds spichere. Das het de ou derzue gfüert, dass der Hostingprovider vo üsere Website ir Schwiz promt üsi IP-Adresse het gsperrt, wüuer gmeint het, es gäb e Häckeragriff us Eswatini.

Ds feine Ässe isch ou ds Eswatini e Gnuss! Nid nume zum Ässe sondern ou zum Aluege. Si gä sich bi auem wo si mache sehr Müei. Eifach Weihnachtsstimmig het trotz der schöne Dekoration und der Weihnachtsmusig nid würklech woue ufcho. Irgendwie würke Weihnachtschugle mit Paume im Hingergrund nid würklech stimmig. Ömu für üs. 

Nach mehrere Rundine Uno simer de bezyte ga pfuse. Immerhin steit am nächste Tag d Usreis us Eswatini ufem Programm. U me weis ja nid genau, was eim da erwartet.