Hüt isch Wiehnachte. Das heisst, das am Abe im ganze Ort kes Restaurant offe het. So simer haut ids Ichoufszäntrum (wi gfüeut aui angere Bewohner vom Stedtli ou…) u hei fürnes feins Znacht im Hotelzimmer ikouft. Wiehnachtsmenü mau angers.  

Obschon Hermanus aus Walhouptstadt gilt, heimer leider kene vo dene Rise chönne gseh. Es het sehr fest gluftet u ds Meer isch extrem unruehig gsi. Der Spaziergang ar Küste entlang uds feine Glas Wii im Strandrestaurants heimer aber sehr gnosse! Immerhin hei d Ching üs hüt widermau gseit, dass Ferie ja ou zum Entspanne da sige… wosi Rächt hei!